法语

གསལ་རྒྱལ་གྱི་ཚིགས་སུ་བཅད་པ་ལས།སུ་དག་འཇིག་རྟེན་བླ་མས་གསུངས་པ་ཡི། །དམ་ཆོས་ཚུལ་བཟང་ཐོས་ནས་ཉམས་སུ་ལེན། །དེ་དག་ཉོན་མོངས་ཆུ་རླབས་རབ་འཇིགས་པའི། །སྲིད་པའི་རྒྱ་མཚོ་མྱུར་དུ་རྒལ་བར་འགྱུར། ཞེས་གསུངས། 《波斯匿王经》： 何人听闻并修持，世间导师所说法，彼等定能速超越，惑怖汹涌轮回海。

མཆོད་རྟེན་བསྐོར་བའི་ཚིགས་བཅད་ལས།དེ་ལྟར་སངས་རྒྱས་བསམ་མི་ཁྱབ།།སངས་རྒྱས་ཆོས་ཀྱང་བསམ་མི་ཁྱབ།།བསམ་མི་ཁྱབ་ལ་དད་རྣམས་ཀྱིས།།རྣམ་པར་སྨིན་པ་བསམ་མི་ཁྱབ།།ཞེས་གསུངས། 《右绕佛塔功德经》： 佛陀不可思，正法不可思，于不可思生信，异熟不可思。

ཆེད་དུ་བརྗོད་པའི་ཚོམས་ལས།སངས་རྒྱས་རྣམས་ནི་འབྱུང་བ་བདེ།།དེ་བཞིན་ཆོས་རྣམས་བསྟན་པ་བདེ།།དགེ་འདུན་རྣམས་ནི་མཐུན་པ་བདེ།།མཐུན་པ་རྣམས་ཀྱི་དཀའ་ཐུབ་བདེ།།ཞེས་གསུངས། 《法集要颂经》：诸佛出兴乐，说法堪受乐，众僧和合乐，和则常有安。

ཚིག་དོན་མཛོད་ལས།ད་ལྟའི་སྙིང་ཏིག་འདའི་བསྟན་པའི་མཐའ་མ་མོས་པས་སྤྱོད་པའི་ས་ཞེས་བྱ་བ་ལ་སླེབ་པའི་དུས་ཏེ།ཁྱད་པར་གསང་བ་རྒྱལ་པོ་འདི་ཀུན་གྱི་རྩེ་མོ་ཡིན་པས་ཐོས་བསམ་ཆེ་ལ་ཤེས་རབ་དང་སྐལ་བ་མཆོག་མ་གཏོགས་པས་འདིའི་དོན་རྟོགས་མི་སྲིད་པའི་ཕྱིར་ན་ཐེག་འདིར་འཇུག་པ་ལ་ཐོས་བསམ་རྒྱ་ཆེ་བ་ཞིག་དགོས།ཞེས་གསུངས། 《句义宝藏论》： 如今，心滴教法已到信解地之末时，尤其它是一切乘之顶的秘密王，除非有闻思智慧和殊胜缘分，否则难以证悟。所以，若想趋入此乘，必须要广闻深思。

གྲུབ་མཐའ་མཛོད་ལས།དེའང་སེམས་ཅན་གྱི་མོས་པ་སྣ་ཚོགས་པས།གང་ཟག་དང་ཆོས་ཀྱང་སྣ་ཚོགས་སུ་སྣང་བས་དོན་བྱེད་པའི་ཕྱིར།ཆོས་ཀྱི་རིགས་གང་ལའང་འདི་ནི་ལོག་པའོ།འདི་ནི་བཅོས་མའོ།འདི་ནི་ངན་པའོ་ཞེས་སྒྲོ་སྐུར་བར་མི་བྱ་བ་ཁོ་ནའོ།ཞེས་གསུངས། 《宗派宝藏论》： 因为众生的兴趣千差万别，（佛菩萨）会显现为各种各样的补特伽罗和正法来饶益他们，所以不能把任何教派称为邪教、伪教、恶教而进行诽谤和诋毁。

དགེ་སྐྱེས་ཀྱི་མདོ་ལས། དྲོ་གྲང་དག་ལ་མི་འཛེམས་པར།། ཉིན་མཚན་ཀུན་ཏུ་བརྩོན་བྱས་ན།། མི་འགྲུབ་བྱ་བ་གཅིག་ཀྱང་མེད།། མཐར་ཐུག་མྱ་ངན་མེད་པར་འགྱུར།། ཞེས་གསུངས། 《善生经》： 若不计寒暑，朝夕勤修务，事业无不成，至终无忧患。

མུ་ཏིག་ཕྲེང་བ་ལས། འཁོར་བ་ཉིད་ཀྱི་དོན་རྟོགས་ན།། མྱ་ངན་འདས་ཞེས་ཡོད་མ་ཡིན།། ཉོན་མོངས་ལྔ་ཡི་དོན་རྟོགས་ན།། ཡེ་ཤེས་གཞན་དུ་ཡོད་མ་ཡིན།། སྡུག་བསྔལ་ཉིད་ཀྱི་དོན་རྟོགས་ན།། བདེ་བ་ཆེན་པོ་བཙལ་དུ་མེད། ཅེས་གསུངས། 《珍珠鬘续》： 若证轮回义，非有涅槃名；若证五惑义，本智他非有；若证痛苦义，大乐无可寻。

སྤྲིང་ཡིག་བདུད་རྩིའི་ཐིགས་པ་ལས་ཀྱང་། ཇི་ལྟར་ཆུ་ལ་ཆུ་ཐིམ་དང་།། མར་ལ་མར་ནི་རྗེས་ཞུགས་ལྟར།། ཤེས་བྱ་སྤྲོས་བྲལ་དེ་ཉིད་དང་།། དབྱེར་མེད་ཡེ་ཤེས་རྣམ་འདྲེས་པ།། དེ་ཉིད་སངས་རྒྱས་ཐམས་ཅད་ཀྱི།། རང་བཞིན་ཆོས་སྐུ་ཞེས་བྱ་བརྗོད།། ཅེས་གསུངས། 《甘露滴书》： 犹如水融水，酥油入酥油，所知离戏性，无别智相融。彼即一切佛，自性称法身。

ཀུན་མཁྱེན་འཇིགས་མེད་གླིང་པས།རིག་ངོ་འཕྲོད་ཀྱང་གོམས་འདྲེས་མ་བྱས་ན།།རྣམ་རྟོག་དགྲས་ཁྱེར་གཡུལ་ངོའི་བུ་ཆུང་འདྲ།།ཞེས་གསུངས། 全知无畏洲： 纵然认识了本性，但若没有修行，则会被分别念的怨敌拐走，就像在战场上的孩子一样。

རྩ་རྒྱུད་ལས།གཅིག་དང་དུ་མ་བྲལ་བ་ཡི།།མཐའ་དང་དབུས་མེད་དེ་བཞིན་ཉིད།།སངས་རྒྱས་ཀྱིས་ཀྱང་མི་གཟིགས་ཏེ།།རང་བྱུང་ཡེ་ཤེས་གནས་མེད་སྣང་།།ཞེས་གསུངས། 《根本续》： 远离一与多，无中边真如，如来亦不见，本智无住现。

དྲི་མ་མེད་པར་གྲགས་པས་བསྟན་པ་ཞེས་པའི་མདོ་ལས། ཟླ་བའམ་ཉི་མར་དེ་གྱུར་ཏེ། །བརྒྱ་བྱིན་ཚངས་པ་སྐྱེ་དགུ་དབང་། །ཆུ་དང་མེར་ཀྱང་རབ་གྱུར་ཏེ། །ས་དང་རླུང་དུའང་དེ་བཞིན་ནོ།། ཞེས་གསུངས། 《维摩诘经》：或作日月天，梵王世界主，或时作地水，或复作风火。

དྲི་མ་མེད་པར་གྲགས་པས་བསྟན་པ་ཞེས་པའི་མདོ་ལས། བསམས་བཞིན་སྨད་འཚོང་རྣམས་སུ་སྒྱུར། སྐྱེས་པ་རྣམས་ནི་བསྡུ་བའི་ཕྱིར། །འདོད་ཆགས་ལྕགས་ཀྱུས་བརྗོད་ནས་སུ། ། དེ་དག་སངས་རྒྱས་ཡེ་ཤེས་འགོད།། ཞེས་གསུངས། 《维摩诘经》：或现作淫女，引诸好色者，先以欲钩牵，后令入佛道。

དྲི་མ་མེད་པར་གྲགས་པས་བསྟན་པ་ཞེས་པའི་མདོ་ལས། སངས་རྒྱས་ཞིང་ནི་ཇི་རྙེད་པ། །བསམ་གྱིས་མི་ཁྱབ་དམྱལ་བར་ཡང་། །སེམས་ཅན་རྣམས་ལ་ཕན་པའི་ཕྱིར། །བསམས་བཞིན་དུ་ནི་དེར་འགྲོའོ།། ཞེས་གསུངས། 《维摩诘经》：一切国土中， 诸有地狱处，辄往到于彼，勉济其苦恼。

ཐེག་ཆེན་མདོ་སྡེ་མཐོང་བའི་ཕན་ཡོན་ལས། བྱིས་བློས་ལྷད་མེད་ཐུབ་པའི་མདོ་སྡེ་ནི།། བྱིན་རླབས་ཉི་མ་སྙིང་ལ་འོད་སྣང་སྦྱིན།། ཚིག་གཅིག་ཐོས་ཀྱང་བསྐལ་མང་སྡིག་སྒྲིབ་སྦྱོང་།། ཞེས་གསུངས། 《见大乘经功德论》： 无愚所染之佛经，于心赐加持日光，闻一句灭累劫罪。

ཀུན་མཁྱེན་ཀློང་ཆེན་པས། མངོན་རློམ་ཡིད་དཔྱོད་ལ་གདེང་བཅས་ནས་ངས་ལྟ་བ་རྟོགས་སོ་བྱར་མེད་ཡིན་ནོ་ཞེས་རྔམ་པོ་ཆེར་སྨྲ་བ་ནི། རྣལ་དོན་དང་མ་འབྲེལ་བས་ངོ་ཚ་མེད་པའི་ཚིག་སྟེ་བླུན་རྨོངས་མུན་པ་ཅན་མིན་པ་སུ་ཞིག་དེ་སྐད་སྒྲོག་པར་བྱེད། གང་ལ་བློ་གྲོས་ཀྱི་མིག་ཟུམ་ཞིང་ལོག་པར་ཞུགས་པའི་ཕྱོགས་མང་བ་དག་གི་འདོད་པ་སྟེ། ཕྱིན་ཅི་ལོག་པ་དེ་ནི་བསྟན་པ་དམ་པའི་ཆོས་དང་འགལ་བས་མཁས་པ་དག་གིས་ཤིན་ཏུ་སྨད་པའི་གནས་སོ།། ཞེས་གསུངས། 全知无垢光尊者： 一直挂碍着伺察意狂妄地说我是证悟见解无作者，与本义毫不相干，这种无耻之语除非愚昧盲目者外谁会宣扬？许多闭上智慧的双目趋入歧途者的观点，完全是颠倒的，与正法相违，因此是诸位智者极度谴责之处。

སློབ་དཔོན་ཆེན་པོ་དགའ་རབ་རྡོ་རྗེའི་ཞལ་སྔ་ནས། ཡིད་དཔྱོད་འཛིན་པའི་ལྟ་བ་ཉོན་རེ་མོངས།། དེ་ལ་བརྟེན་པའི་བསྒོམ་པ་ཡི་རེ་མུག ། དེ་ལ་སྤྱོད་པའི་སྤྱོད་པ་ཐང་རེ་ཆད།། དེ་ལ་འབྲས་བུ་རེ་བ་ཡོང་རེ་འཁྲུལ།། ཞེས་གསུངས། 大阿阇黎嘎绕多吉： 执伺意见真愚昧，依彼之修真失望，持彼之行真疲惫，于彼求果真迷乱。

གནས་ལུགས་མཛོད་ལས། གསེར་སྒྲོག་ཐག་སྒྲོག་འཆིང་བ་མཉམ་པ་ལྟར།། ཆོས་དང་ཆོས་མིན་སེམས་ཀྱིས་འཆིང་བ་མཉམ།། དཀར་ནག་སྤྲིན་ཚོགས་སྒྲིབ་པ་མཉམ་པ་ལྟར།། དགེ་སྡིག་གཉིས་ཀྱིས་རིག་པ་སྒྲིབ་པར་མཉམ།། ཞེས་གསུངས། 《实相宝藏论》： 如金绳链同束缚，法与非法同缚心，如黑白云同遮蔽，善恶同为觉性障。

བདེ་ཆེན་ཞིང་བཀོད་ལས།སངས་རྒྱས་འབྱུང་བ་རྙེད་པར་དཀའ་འོ།། ཆོས་བསྟན་པ་རྙེད་པར་དཀའ་འོ།། དལ་བ་ཕུན་སུམ་ཚོགས་པར་རྙེད་པར་དཀའ་བའོ།། ཞེས་གསུངས། 《极乐国土庄严经》： 佛陀出世难，宣说正法难，获得人身难。

བདེ་ཆེན་ཞིང་བཀོད་ལས།བསོད་ནམས་དག་ནི་མ་བྱས་པ།། འདི་འདྲ་འདི་དག་ཐོས་མི་འགྱུར།། དཔའ་བོ་གང་དག་དོན་གྲུབ་པ།། དེ་དག་གསུང་འདི་ཐོས་པར་འགྱུར།། ཞེས་གསུངས། 《极乐国土庄严经》： 若未修福德，不闻此正法，勇士成事者，必当闻此理。

རྡོ་གྲུབ་རིན་པོ་ཆེས། དེ་ཡང་རྟག་པ་རྒྱུན་གྱི་ཐུགས་རྗེ་ནི་ཆུ་བོའི་རྒྱུན་ལྟ་བུ། རང་བཞིན་ཤུགས་ཀྱི་ཐུགས་རྗེ་ནི་ཉི་མའི་འོད་ཟེར་ལྟ་བུ། བསྐུལ་ཞིང་གསོལ་བ་འདེབས་པའི་ཐུགས་རྗེ་ནི་གཏོང་ཕོད་ཅན་ལ་སློང་མོ་བྱེད་པ་ལྟ་བུ། ཡུལ་དང་འཕྲད་པའི་ཐུགས་རྗེ་ནི་གདོན་གྱིས་བཏབ་པའི་བུ་ལ་མས་བརྩེ་བ་ལྟ་བུའོ།། ཞེས་གསུངས །། 多智仁波切： 恒常相续之大悲，犹如河流；本性自然之大悲，犹如阳光；劝请祈祷之大悲，犹如乞者求布施；值遇对境之大悲，犹如母怜着魔子。